陳偉霆帶女友見家長　被爆拍拖即刪微博

【蘋果日報】喺大陸爆紅嘅陳偉霆，自從同蔡卓妍分手之後，極其量都只係同趙麗穎、迪麗熱巴傳出緋聞，不過真命女友仍然未出現！直到舊年年尾，有網民發現佢同巴西籍模特兒Bruna撻著，仲發現佢哋互相follow ig，兼且仲搵出兩人有唔少共通點同交匯點！
雖然陳偉霆仲未開口認愛，不過昨日有周刊報道，陳偉霆日前帶埋女友去咗淺水灣同媽咪食飯，嗰陣佢哋兩個冇乜親熱舉動，但同男友嘅屋企人好好傾！大約食咗兩個鐘左右，大家先離開餐廳，陳偉霆同女友前後腳行去停車場拎車走人。不過唔知係咪怕歷史重演，當日阿Sa嘅微博俾啲大陸fans狂轟，為咗唔影響戀情，所以俾網民發現佢哋有共通點同交匯點之後，Bruna即刻刪除相關微博！