新聞類別
娛樂
詳情#
【蘋果日報】邵氏女星井莉於上月9日離世，享年72歲，昨日家人為她在沙田寶福紀念堂設靈。禮堂佈置簡約，以井莉年輕時的黑白相做靈堂照，橫匾是「永遠懷念」，喪禮沒宗教儀式。接待處有井莉四幅黑白相，寫着：「媽媽一直希望大家記着她年輕漂亮的一面，所以今天我們不會設瞻仰遺容，希望各位親愛的家人和朋友，永遠記着她漂亮的笑容。」
馬海倫激動
井莉於70年嫁給從事廣告業的謝宏中，兩人育有一子一女，可惜婚姻僅維持十年。昨午約5時半，井莉的兒子嘉明、媳婦許美琪和女兒鎵君現身靈堂打點，三人瞻仰母親遺容，而謝宏中亦送前妻最後一程。當年為井莉做伴娘的馬海倫最早到場致祭，三鞠躬後跟井莉子女擁抱，她忍不住掉淚，心情激動。
馬海倫說：「十幾歲玩到依家，點都唔捨得，冇辦法，年紀到咁上下，身邊朋友走咗好多，唔緊要，第日可能另一個地方再見面，我哋第時去到拍戲一齊玩。佢畀我印象係開心果，有佢喺度一定係搞屎棍，以往每年凌波、金漢返嚟，我哋會約埋食飯打牌，近年佢身體唔舒服，又怕嘈又貪靚，怕俾人見到佢唔靚一面，所以好少出嚟，頭先瞻仰遺容見到佢好安詳，只不過可能病瘦咗少少，但依然好靚。」
狄龍讚修養
井莉拍過逾50部電影，代表作有《血手印》和《刺馬》，曾跟她合作的狄龍、姜大衛、曾江等各偕同太太送故友，還有文雪兒、李默等到場致祭，邵音音則送上花牌致哀。晚上8時舉行追思會，狄龍夫婦於儀式舉行前離去，他說：「同佢合作最多，喺佢身上學到好多，佢個人修養好好，好低調唔鍾意出風頭，係一個好成功嘅人。」
採訪：馬建華
攝影：陳俊強
馬海倫激動
井莉於70年嫁給從事廣告業的謝宏中，兩人育有一子一女，可惜婚姻僅維持十年。昨午約5時半，井莉的兒子嘉明、媳婦許美琪和女兒鎵君現身靈堂打點，三人瞻仰母親遺容，而謝宏中亦送前妻最後一程。當年為井莉做伴娘的馬海倫最早到場致祭，三鞠躬後跟井莉子女擁抱，她忍不住掉淚，心情激動。
馬海倫說：「十幾歲玩到依家，點都唔捨得，冇辦法，年紀到咁上下，身邊朋友走咗好多，唔緊要，第日可能另一個地方再見面，我哋第時去到拍戲一齊玩。佢畀我印象係開心果，有佢喺度一定係搞屎棍，以往每年凌波、金漢返嚟，我哋會約埋食飯打牌，近年佢身體唔舒服，又怕嘈又貪靚，怕俾人見到佢唔靚一面，所以好少出嚟，頭先瞻仰遺容見到佢好安詳，只不過可能病瘦咗少少，但依然好靚。」
狄龍讚修養
井莉拍過逾50部電影，代表作有《血手印》和《刺馬》，曾跟她合作的狄龍、姜大衛、曾江等各偕同太太送故友，還有文雪兒、李默等到場致祭，邵音音則送上花牌致哀。晚上8時舉行追思會，狄龍夫婦於儀式舉行前離去，他說：「同佢合作最多，喺佢身上學到好多，佢個人修養好好，好低調唔鍾意出風頭，係一個好成功嘅人。」
採訪：馬建華
攝影：陳俊強
回應 (0)
