陳志雲讚唐詩詠靠自己

【蘋果日報】陳志雲、董敏莉及李思欣昨日在大埔，為亞視節目《百萬富翁2018》名人版錄影，志雲笑言好友王喜是遊戲用錦囊的完美示範：「佢一個未用已經死咗，佢話我唔提佢，係一個不失實指控。」
唐詩詠早前接受傳媒訪問時，感激志雲提拔，他表示：「佢今日主動打畀我，問我會唔會講錯嘢，會唔會唔鍾意，我點會呢。佢好乖，驚講錯嘢，都唔關我事，佢自己靠自己努力，希望佢攞到好成績。」講到3,000元人工苛刻，他表示：「真係太少，當時有唔同合約性質，一個騷都好多，但唔可以靠一個騷生活。」志雲表示睇好對方：「唯一要改善係懶音，佢都有下過苦功，佢樣貌做戲都有條件，可以做得好好，係唔係視后都好支持佢。」
採訪：羅慧敏　
攝影：沈健程