Sana Momo畢業照被瘋傳韓網民：同一個人？

【蘋果日報】韓國女團TWICE出道短短兩年，憑甜美外形及洗腦歌曲而受到粉絲喜受，更被封為「新國民女團」，而台灣成員周子瑜更獲選為今年全球百大美人嘅第三名，其日本隊友Sana同樣入圍全球百大美人嘅第21名，力證靚樣。
不過近日Sana及另一日本隊友Momo喺日本讀書時嘅畢業相就喺網上瘋傳，引起熱議。相中Sana望住鏡頭甜笑，笑容同依家分別不大，只係以前塊面比較有肉地，而一頭長黑直髮兼齊陰瀏海，令Sana顯得更為清純。至於Momo同樣係長黑直髮及齊陰瀏海，笑容依舊可愛。
Sana及Momo嘅畢業相曝光後，就有網民留言表示「同依家似乎唔多似樣」、「據我所知佢哋兩個都係以眼大出名，所以有啲嚇親」、「Momo根本唔同人吧」等，不過亦有部分網民認為Sana及Momo依家瘦咗唔少，所以五官自然變得更立體。