王祖藍發力要今年生B

【蘋果日報】王祖藍昨日現身澳門新濠影匯出席大型恐龍互動展並擔任特別嘉賓。祖藍日前38歲生日，他表示正日在工作中度過：「好彩太太、外母同媽咪都得閒一齊過，雖然喺工作下，但都好開心。」提到內地節目《奔跑吧兄弟》中一班成員拍片為他慶生兼催生仔，祖藍說：「呢個都係我生日願望，希望今年發力唔好辜負一班朋友嘅心意，佢哋個個都生晒仔女，我就嚟同佢哋冇晒話題。」
祖藍坦言跟太太李亞男都已經準備好，希望今年可以有好消息，更笑稱：「仔都未生就已經諗定將來讀邊間學校好，但我同太太一樣對生仔生女都冇所謂。」至於可會將「造人」大計定為今年首要目標？他說：「咁又唔會，同工作一半一半啦，你要買奶粉之前，都要搵定啲奶粉錢㗎。」
採訪、攝影：曾小嘉