新聞類別
娛樂
詳情#
【蘋果日報】鄭秀文（Sammi）和梁詠琪（GiGi）繼96年拍電影《百分百感覺》後，相隔22年兩人皆變成人妻才再合作，昨日兩人在中環為關錦鵬新戲《八個女人一台戲》（暫名）開工，其他演員還有趙雅芝、周家怡、商天娥、糖妹等。Sammi和GiGi在戲中做死對頭，現實中就好開心可以重逢，Sammi說：「大家睇到不一樣嘅大家，佢依家有小朋友，我都有家庭，覺得佢活潑開朗咗好多。」
有信心駕馭
Sammi在05年拍關錦鵬電影《長恨歌》後患抑鬱，今次兩人再合作，Sammi說：「之前有抑鬱症，今次係自己最好、最健康嘅狀態，好開心。睇到劇本時好鍾意，覺得呢個角色係演員上一個里程碑。以前我會想挑戰自己，今次演得好從容同自在，好有信心自己會駕馭到個角色。」Sammi在戲中扮阿媽角色，有個十四歲兒子，問要否衝破心理關口？她笑說：「完全冇關口，真係零，有個十幾歲嘅仔好合理，你話有個三十幾歲嘅仔就話啫。」
另外，Sammi好友張衞健前日為亡弟張衛彝（Henry）舉行追思會，Sammi表示有到場悼念：「佢哋一家都係天主教徒，信仰畀咗好多力量佢哋，見到佢媽媽好堅強，大家都相信Henry已經返咗天家。」
互讚變開朗
GiGi亦大讚Sammi變得活潑開朗：「二十年冇轉變就冇可能，佢開心咗好多。今次合作係青春返晒嚟，自己好鍾意關導嘅《胭脂扣》，等咗三十年終於有機會合作。」而多年沒拍香港電影的關錦鵬表示，劇本已完成了年多，因為用了很多香港演員，內地投資方都會有保留：「可能今次個戲夠熱鬧，我數過有對白嘅女演員有二十二個。」他又讚Sammi整個人都變了，感覺好relax，覺得曾患情緒病的Sammi對角色更會感同身受。
採訪：盧妹
攝影：仇志德
有信心駕馭
Sammi在05年拍關錦鵬電影《長恨歌》後患抑鬱，今次兩人再合作，Sammi說：「之前有抑鬱症，今次係自己最好、最健康嘅狀態，好開心。睇到劇本時好鍾意，覺得呢個角色係演員上一個里程碑。以前我會想挑戰自己，今次演得好從容同自在，好有信心自己會駕馭到個角色。」Sammi在戲中扮阿媽角色，有個十四歲兒子，問要否衝破心理關口？她笑說：「完全冇關口，真係零，有個十幾歲嘅仔好合理，你話有個三十幾歲嘅仔就話啫。」
另外，Sammi好友張衞健前日為亡弟張衛彝（Henry）舉行追思會，Sammi表示有到場悼念：「佢哋一家都係天主教徒，信仰畀咗好多力量佢哋，見到佢媽媽好堅強，大家都相信Henry已經返咗天家。」
互讚變開朗
GiGi亦大讚Sammi變得活潑開朗：「二十年冇轉變就冇可能，佢開心咗好多。今次合作係青春返晒嚟，自己好鍾意關導嘅《胭脂扣》，等咗三十年終於有機會合作。」而多年沒拍香港電影的關錦鵬表示，劇本已完成了年多，因為用了很多香港演員，內地投資方都會有保留：「可能今次個戲夠熱鬧，我數過有對白嘅女演員有二十二個。」他又讚Sammi整個人都變了，感覺好relax，覺得曾患情緒病的Sammi對角色更會感同身受。
採訪：盧妹
攝影：仇志德
回應 (0)
