陳茵媺撐老公贏硬視帝

【蘋果日報】陳茵媺（Aimee）昨日到旺角出席眼鏡品牌活動，以紅色緊身裙現身的她身形弗爆，又在台上玩護眼小遊戲。Aimee指現時科技先進，小朋友無法避免接觸電子產品：「佢哋仲細可以控制，每次睇10至20分鐘電視，熄機都冇扭計，好乖。我哋自己都冇特別喺小朋友面前控制玩電話，因為呢行社交媒體都好重要。」她笑指老公陳豪現時買入大堆架生玩社交媒體：「有自拍工具，好多嘢，我都要佢教番我。」
問Aimee可有在學校為老公拉票爭視帝？她即甜笑說：「冇啊，佢一定得嘅，依家出街都好多人話鍾意我老公，佢又大隻咗，好多男仔都鍾意佢。我都鍾意佢健康咗，連小朋友都話要一齊操肌。」
採訪：盧妹
攝影：仇志德