黎瑞恩聲帶有窿要治療

【蘋果日報】黎瑞恩（小恩子）昨日到商台為4月紅館演唱會宣傳，今次將會跟全新班底合作。適逢復活節假期開騷，問到大女會否返港睇騷？小恩子說：「囡囡要返學，佢有話請假返嚟，但我話唔使。原本有構思其中一部份同囡囡一齊跳舞，因為佢啲朋友成日嚟我屋企跳Hip Hop、聽韓文歌、睇MV，佢哋有問auntie如果有演出可以一齊跳嗎？我話可以呀，不過要狂排舞，佢哋有啲驚，要夾吓時間，因為佢哋唔同學校。」
小恩子上月中曾接受腹部腫瘤切除手術，康復進度理想，但近日發現聲沙，經醫生檢查後發現聲帶有個窿，所以要接受語言治療練運用聲帶肌肉。明天小恩子要飛往台灣錄音和影相宣傳，由於醫生提醒暫時不可以作劇烈運動，所以她留待下月初才正式排舞。
採訪、攝影：馬建華