陳凱琳期待做人妻

【蘋果日報】陳凱琳和鄭嘉穎屢傳婚訊，去年平安夜二人飛返加拿大，有指此行是為了見家長，準備拉埋天窗。陳凱琳昨在元朗出席新劇活動，被問到「少婦聯盟」哪一位會最先嫁出？她笑說：「真係變少婦？我好想講係譚凱琪，因為我覺得佢段情好穩定，好甜蜜，好似將個波拋畀人好啲。」
問到與嘉穎的結婚計劃時，陳凱琳說：「我自己應該冇咁快，亦都好期待，因為我見到身邊好多朋友唔係結婚，就係開始生BB。」她直認早前帶男友返加拿大見她的朋友，有男友人大讚嘉穎好靚仔。問此行有沒有「意外」收穫？她說：「去加拿大已經係一個意外，過咗個白色聖誕。」問有否被朋友催婚？她說：「好自然，要發生就會發生，交給上天。」
撰文：非非