新聞類別
娛樂
詳情#
【蘋果日報】【爆相爆片】好多藝人因為合作拍戲日對夜對，戲假情真成為情侶，就好似無綫處境劇《愛．回家之開心速遞》入面，飾演「紅衫魚」嘅蘇韻姿同「池子孝」嘅阮政峰咁，終於俾《蘋果》讀者阿融直擊佢哋喺中環AIA嘉年華玩時，忍唔住拖手同情深款款對望，有相為證！
情深對望
話說佢兩個早排放咗條「愛的手勢舞」片上網，跳得不知幾合拍，阮政峰仲偷吻咗蘇韻姿一啖。因為咁，有網民覺得佢哋其實已經暗撻，不過當事人就死口唔認拍拖，話呢刻只係工作拍檔，但唔排除發展可能。直到日前，蘇韻姿同阮政峰孖住劇中另一對「Bonnie」林凱恩同「金城安」周嘉洛，一齊去中環嘉年華玩，當晚林凱恩都有喺網上玩直播，不過佢哋刻意保持距離，蘇韻姿全程黐住林凱恩。
鏡頭以外就俾《蘋果》讀者阿融透過「爆相爆片」，見證蘇韻姿同阮政峰煙韌一幕：「嗰晚佢哋攞住部細機互影，蘇韻姿孭住阮政峰，男嘅仲摸女嘅塊面。都有人認得佢哋，咁樣拖手咪即係間接公開咗囉！」相中見兩人手拖手，情深款款對望，但蘇韻姿回覆傳媒時，只係話：「唔好意思呀！我唔係咁方便回覆你哋。」
情深對望
話說佢兩個早排放咗條「愛的手勢舞」片上網，跳得不知幾合拍，阮政峰仲偷吻咗蘇韻姿一啖。因為咁，有網民覺得佢哋其實已經暗撻，不過當事人就死口唔認拍拖，話呢刻只係工作拍檔，但唔排除發展可能。直到日前，蘇韻姿同阮政峰孖住劇中另一對「Bonnie」林凱恩同「金城安」周嘉洛，一齊去中環嘉年華玩，當晚林凱恩都有喺網上玩直播，不過佢哋刻意保持距離，蘇韻姿全程黐住林凱恩。
鏡頭以外就俾《蘋果》讀者阿融透過「爆相爆片」，見證蘇韻姿同阮政峰煙韌一幕：「嗰晚佢哋攞住部細機互影，蘇韻姿孭住阮政峰，男嘅仲摸女嘅塊面。都有人認得佢哋，咁樣拖手咪即係間接公開咗囉！」相中見兩人手拖手，情深款款對望，但蘇韻姿回覆傳媒時，只係話：「唔好意思呀！我唔係咁方便回覆你哋。」
回應 (0)
