伍氏第三代全面退出永隆

【明報專訊】自從2008年招商銀行（3968）以高價收購永隆銀行之後，本地家族銀行可謂買少見少。兩年過後，隨着招行同永隆順利整合，留喺永隆嘅兩位伍氏家族第三代——永隆企業傳訊部主管伍尚修，同埋理財中心主管伍尚敦，將會相繼喺今個月底及明年1月底離開祖業公司。

伍尚修重返校園 伍尚敦投身基金

伍尚修噚日同小琴飯聚時透露，將會重返校園進修，同埋幫家族打理房地產投資生意。至於伍尚敦，據聞將會投身基金生意行列，意味伍氏家族就只係剩返第二代嘅伍步謙繼續留守永隆出任非執行董事一職。

「書到用時方恨少」喺好多職場人士嘅心聲，伍尚修原來亦有同感，所以決定去科技大學修讀EMBA課程，出年8月仲會去美國芝加哥做交換生