苑瓊丹減肥導致情緒病

【蘋果日報】鍾慧冰（右）日前在奇妙電視《我老友係明星》訪問雀友苑瓊丹，指對方牌品差：「以前打麻雀都會俾佢訓話！」苑瓊丹表示年輕時為減肥而亂吃減肥藥，導致荷爾蒙失調，引致情緒病：「當年俾個大影后叫我哋食，食之前仲要驗身。我食完好唔開心，但當時根本唔識又唔知自己有情緒病。」回想當時，她每天情緒不穩定：「我試過返公司途中喺車大叫，控制唔到自己。」最終接受治療康復。