【街訪】觀眾抗拒畀錢睇亞視

【蘋果日報】亞視今日透過手機App及OTT平台復活，但除收看直播節目外，看付費節目要另外付費，其中手機App月費為38元。日前記者走訪港九多個地區訪問近20人，大部份均表示沒興趣收看，但也有表示免費的話可以考慮。
陳小姐：
會考慮裝，因為自己都會睇亞視，我覺得佢啲旅遊節目都幾吸引，以前間中都有睇。如果可以拍返以前啲劇，有老一輩嘅藝人都會想睇，因為依家好少長青嘅明星。
Thomas：
我唔會裝，因為平時都好少睇電視，而且亞視都冇乜節目睇。如果有啲搞笑嘅節目，都可以睇吓，不過亞視嘅藝人都唔吸引，有啲都唔識，就算出名啲嘅都去晒TVB。如果佢推出免費試睇版，就會試吓裝。
黎先生：
唔會裝，好多都唔使畀錢，點解要畀錢去睇？免費或者會考慮吓。
Trammy：
冇乜點睇亞視，冇興趣，好少睇香港電視劇，會睇美劇多啲，要錢唔會睇，唔使錢可能考慮下。
王小姐：
平時都少睇電視節目，只係間中睇，加上要收錢，38元唔係太貴，但唔值囉！
羅先生：
唔會睇，手機有咁多apps，仲免費㖭，都睇唔晒。