趙學而開唱邀王傑

【蘋果日報】趙學而將於4月28日在紅館舉行演唱會，昨日在油麻地舉行記者會。擁骨感美的她表示要為個唱健身操肌，還在泳裝紙牌面前拍照，希望開騷有此美好身段。她經歷不同唱片時代，笑言慶幸自己未變古董。個唱會邀請好友做表演嘉賓：「我想請王傑，要睇佢個期，佢宣佈退休，工作已排到年尾。好多我鍾意嘅前輩如周潤發、葉德嫻同埋我心儀嘅梁朝偉，都想請佢哋嚟睇。」
暫時演唱會只開一場，趙學而指睇門票銷情再考慮加場，丈夫到時會在後台照顧，問到會否在台底幫手換衫？她說：「唔好搞住晒，有專人做，佢負責幫我招呼朋友，同埋幫我手落飛。我唔想hold太多飛，希望多啲人買到，之前我已呼籲朋友出去買。」
採訪：王連連
攝影：陳俊強