新聞類別
財經
詳情#
【明報專訊】「賭王」愛子何猷龍前日突然透過旗下Delight Max，用咗2億元收購蚊型股安利（0102），安利股價噚日即時大升逾兩成，一班記者噚日朝早趁新濠國際（0200）噚日舉行特別股東大會，打算訪問吓何少爺，入主安利之後，有咩大發展計劃，點知何少爺無到，一班記者梗係大失所望。
收購安利 一度勁升三成
最峰迴路轉嘅係，新濠噚日股東大會投票嘅議案，即係新濠向何猷龍、董事會成員及公司員工等，授出5160萬股（佔已擴大股本約4%）購股權一事，畀獨立股東以八成半反對，議案最後胎死腹中。
咁大比數否決，其中何猷龍3800萬股購股權，亦就此泡湯。小琴好奇怪，何猷龍點解會係得唔到股東支持之下，推出購股權議案，畀獨立股東投票呢？不過唔緊要，噚日安利復牌，股價大升曾經近三成，收市報3.01元，大升24%，現市值7.12億元，睇住帳面收益，都笑呵呵喇！
回應 (0)
