新聞類別
娛樂
詳情#
【蘋果日報】【今日ENT】師兄劉浩龍今年4月將舉行個人演唱會，前日他接受本報的《蘋果》娛樂直播節目《今日ENT》的facebook直播訪問，他透露最難忘是12年在藝術中心舉行的演唱會，雖然每場座位不多，但已經好緊張，他說：「賣飛前夕好緊張，雖然會場座位得四、五百人，好彩公司打嚟同我講，話啲飛一分鐘已經賣晒。我希望2月7日都可以好快賣晒啲飛，唔使一分鐘啦，十分鐘賣晒都好呀。」
唔請嘉賓撐場
師兄事前已表明不會打女朋友容祖兒牌，拒絕找她做嘉賓：「唔會啦，雖然rundown仲未度好，但我哋開會一致決定唔會請嘉賓，由我自己一個人搞晒，大家都知道我有好多朋友，但今次真係想我自己一個做晒，所以唔會有嘉賓環節。」
不止女友，就連好友藍奕邦、周國賢都「被飛」，師兄又自爆前年到馬來西亞拍電影時，曾想過放棄唱歌，他說：「有日放假喺酒店房思考未來，打咗個電話返公司話『我以後只係想拍電影或者拍劇，以後唔唱歌喇！』當時公司嘅回應係『哦』，之後話『好呀』，跟住我喺房喊咗出嚟。」
直到去年1月，公司忽然通知師兄要做3隻歌及準備開演唱會，他笑說：「公司好似冇聽我講嘢，不過獅子座係咁，講完就算，有人叫番我做就做。」令他繼續可以在樂壇發光。
跳舞預咗被笑
今次演唱會，師兄會操肌兼排舞：「我每次跳舞啲朋友都笑，今次我好想認真咁去練習，跳一次畀大家睇，如果到時都真係笑我嘅，咁起碼都娛樂到你哋呀。」另外，他分享了一件紀念品：「呢件外套係我第一次開個人音樂會嘅時候着，入邊冇着衫，仲要襯條白色褲，同我兩個好朋友藍奕邦、周國賢一齊着住呢件衫，跳咗一part《小虎隊》嘅舞。」
採訪：曹家誠
攝影：廖達燊
唔請嘉賓撐場
師兄事前已表明不會打女朋友容祖兒牌，拒絕找她做嘉賓：「唔會啦，雖然rundown仲未度好，但我哋開會一致決定唔會請嘉賓，由我自己一個人搞晒，大家都知道我有好多朋友，但今次真係想我自己一個做晒，所以唔會有嘉賓環節。」
不止女友，就連好友藍奕邦、周國賢都「被飛」，師兄又自爆前年到馬來西亞拍電影時，曾想過放棄唱歌，他說：「有日放假喺酒店房思考未來，打咗個電話返公司話『我以後只係想拍電影或者拍劇，以後唔唱歌喇！』當時公司嘅回應係『哦』，之後話『好呀』，跟住我喺房喊咗出嚟。」
直到去年1月，公司忽然通知師兄要做3隻歌及準備開演唱會，他笑說：「公司好似冇聽我講嘢，不過獅子座係咁，講完就算，有人叫番我做就做。」令他繼續可以在樂壇發光。
跳舞預咗被笑
今次演唱會，師兄會操肌兼排舞：「我每次跳舞啲朋友都笑，今次我好想認真咁去練習，跳一次畀大家睇，如果到時都真係笑我嘅，咁起碼都娛樂到你哋呀。」另外，他分享了一件紀念品：「呢件外套係我第一次開個人音樂會嘅時候着，入邊冇着衫，仲要襯條白色褲，同我兩個好朋友藍奕邦、周國賢一齊着住呢件衫，跳咗一part《小虎隊》嘅舞。」
採訪：曹家誠
攝影：廖達燊
回應 (0)
