娛圈邊個酒量好？黃百鳴：古仔得個樣

【蘋果日報】【最港電影大獎　黃百鳴系列之8　千杯不醉】

黃百鳴在圈中是有名「酒仙」，千杯不醉，原來入行前的他滴酒不沾。飲酒緣於當年新藝城要攻佔台灣院線，與台灣院商交往過程中，拍檔麥嘉和石天被隊酒至不醒人事，不飲不知酒量好的黃百鳴臨危受命，他說：「點知我係飲得，有一年年三十晚，各部門要敬我飲酒嘅龍排到出門口，我就杯杯敬，都冇事。」之後跟韓國片商較勁，亦完勝對方。


挑機猜枚戙腳上枱

對於圈中人酒量，黃百鳴笑說：「曾志偉逢飲必醉，古天樂得個樣嘅箒，其實真係唔飲得㗎。」他更爆有次跟古仔去卡拉OK，古仔眼見有人猜枚出「茅招」，俠義心腸的古仔，出手單挑對方：「猜多兩猜，咦！點解隻腳會戙咗上枱度，跟住古仔話猜一『渣』。嘩！唔好講飲酒，飲水都飲死啦！點知一猜，古仔輸咗，咁我就二話不說就拿咗嗰渣同佢飲咗。以為冇事啦，點知佢兩個繼續喎，呢次就對方輸咗，如果我唔幫佢飲呢，就好似我夾埋古仔恰佢咁。結果佢哋猜枚，我飲咗兩渣，我都冇醉。」


古仔當選演協會長

此外，香港演藝人協會上月19日舉行了會員大會暨換屆大選，當日由會員投票選出21位理事，結果由古天樂當上會長，林家棟、肥媽瑪利亞、張敬軒和錢嘉樂任副會長。


採訪：陳月媚

攝影：陳俊強

由《蘋果動新聞》和娛樂版舉辦的「最港電影大獎」現正接受讀者投票，選出心目中的最「港」之選，包括最港電影、最港男、女演員等，截止日期為2月21日。賽果將於《蘋果動新聞》和娛樂版揭曉。


「最港電影大獎」投票網址http://bit.ly/thekongestfilmawards