曾遇襲司機﹕避無可避

【明報專訊】「雙眼仲係矇查查，依家連報紙都睇唔到。」的士司機吳溢文（圖）在去年2月遭醉漢瘋狂搥打左邊頭數十下，視力受損。雖然事隔近兩年，但阿文間中仍會發噩夢被乘客打，視力亦無法復元，不能再駕夜更的士。他聞悉近日又有的士司機遇襲，只能嘆：「我哋係無辜㗎！」

雖然醫生曾向阿文說，可能是老花致視力模糊，但阿文指自從捱打後視力即時退化，「尤其夜晚，啲光射過嚟會好刺眼」。阿文視力受損，不能再駕夜更的士，唯有轉行任搬貨工人，收入少了一大部分，「有時眼矇矇，睇錯貨單送錯貨，畀人問到口啞啞」。

阿文現時偶爾也會在日間「頂更」，但至今駕的士仍有心理陰影。即使轉駕日更，但阿文仍不時遇到鬧事客：「食丸、醉酒、落車唔畀錢，乜人都有無得驚。見到啲飲醉酒嘅人（截的士）當睇唔到，行過就算，但有時都會唔小心走漏眼。」

阿文慨嘆：「有時無得避，喺的士站排隊等客，咁啱遇到（醉酒客），都要焗住上。」昨凌晨有青年持刀指嚇的士司機，司機如何自保？阿文無奈說：「根本無得防，唔通放『士巴拿』喺車頭咩？」阿文只好寄語同行小心一點，別接載醉酒或神志不清的乘客，「我哋唔係揀客，只係保障自己，我哋係無辜㗎！」

明報記者 屈俊樂