祖兒玩「旅行青蛙」好奇問：係咪好玩嘅地方未發掘呢？

【蘋果日報】最近風霏兩岸三地嘅日本手機遊戲「旅行青蛙」，好多藝人都有玩，五月天嘅阿信、S.H.E.嘅Selina（任家萱）、古巨基、阮小儀等等，原來天后容祖兒都有玩喎！昨日佢就對個遊戲有啲疑惑喇，仲喺ig到求問㖭！

祖兒係ig到貼咗一張「旅行青蛙」坐咗喺佢額頭嘅相，然後留言話：「同事介紹，貪玩的我立刻下一個試試看，但是玩來玩去都係摘嗰幾『PAUL』草，同埋買下啲糧餉，啲相係幾得意嘅，係咪仲有啲好玩嘅地方我未發掘呢？有無人可以稍作解釋呢隻青蛙嘅魅力喺邊度」，然後佢就tag咗三個朋友仔，包括王菀之、泳兒同商台DJ麻利亞。


咁天后遇疑難，當然一呼百應，好多網民都留言，咁有網民就答佢話呢個只係一個無聊遊戲，亦有網民話：「就係等你知道做人媽媽既感覺，個仔係屋企你又驚佢太宅，佢出咗街你又想佢快d返屋企。佢識女朋友又擔心佢」，咁亦有網民留言話祖兒呢張相影得好靚，仲有啲似舒淇添！