【馮仁昭四圍超】「自動幫阿女停學」GiGi聽醫生建議打流感針

【蘋果日報】

梁詠琪（GiGi）、楊采妮及蘇麗珊等，噚晚喺金鐘出席品牌Dior期間限定店嘅開幕禮。減少工作專心湊孖仔嘅楊采妮清減不少，GiGi就話開心見到佢：「都有半年冇見，佢今次應該冇帶孖仔返香港，因為太凍，而且流感又咁犀利。」GiGi話未等政府宣佈停學，上星期已經自發唔畀囡囡Sofia返學，亦有聽從醫生建議打流感針：「上星期開始自動幫阿女停學，每個父母都有唔同決定，始終都係學前班，返少幾日冇所謂，健康最緊要。」


估Kay冇打算公開錄音

對於謝安琪（Kay）喺WhatsApp group嘅講流感針嘅錄音流出，GiGi話：「可能佢講嘅原意有唔同，應該都冇打算公開。自己同其他媽咪都會討論，不過好少喺group講，都係見面傾。」囡囡冇得返學，GiGi話會同佢解釋：「都會帶佢出街，去啲空氣流通啲嘅地方。」另外，蘇麗珊對前度游學修同曾樂彤拍拖，佢話：「都少同佢聯絡。」


撰文：馮仁昭