踩Chilam衣着唔講究

【蘋果日報】靚靚與Chilam雖然好恩愛，但問到Chilam有沒有缺點，靚靚衝口而出說忍受不了老公衣着，但不是批評老公沒衣着品味，只不過是Chilam不開工時，對衣着太不講究，有時會讓老婆生氣，靚靚表示：「佢好整齊都係假象嚟！我話件外套幾好喎，佢就一個禮拜都係嗰件外套㗎喇。叫佢換吓衫，佢話換咗入面件底，我就會話畀佢知『咦！呢件衫我咪同你講咗留番去邊度着嘅！』佢就會話『是但啦，都係衫啫！』」


靚靚指並不是自己一個發現老公衣着有問題，連老公朋友都有出聲，靚靚表示：「佢係一個唔係好打扮嘅人嚟，我就同佢講，有時同啲重要嘅客人食飯，你點都執正少少吖！你咪落街又係嗰套，同我出去食飯又係嗰套吖大佬，但係佢會覺得冇問題㗎！呢樣嘢係我最最最頂佢唔順！」