新聞類別
娛樂
詳情#
【蘋果日報】
麥明詩、劉嘉玲、任達華、衛詩雅、導演葉念琛等噚晚喺灣仔出席新片《我的情敵女婿》首映禮，麥明詩激罕性感現身，可惜不慎露出胸墊！唐詩詠着吊帶背心現身，問佢會唔會請前男友洪永城睇？佢話會叫對方買飛。
另外，嘉玲同任達華等演員喺下午去維園行花市，任達華話失策忘記噚日係情人節，反而係老婆送花畀佢。嘉玲就話老公梁朝偉喺屋企，佢做完嘢返去會開香檳慶祝，自己就準備咗有心思嘅禮物，但唔講係乜。嘉玲又提議任達華送樓畀老婆補數，任達華話：「我有誠意決定咁做，2019送，等我拍戲儲錢先。」
MK活地阿倫撞橋
《我》片故事講到飾演花花公子嘅任達華，娶細自己二十幾年嘅衛詩雅做老婆，最後發現老婆繼母係佢嘅初戀情人，條橋撞正活地阿倫（Woody Allen）新片《奇幻摩天輪》（Wonder Wheel），故事講過氣女星琦溫斯莉（Kate Winslet），嫁畀喪妻嘅旋轉木馬操作員Jim Belushi，但琦溫斯莉婚後出軌，而繼女就同老公搞埋一齊。有「MK活地阿倫」之稱嘅葉念琛接受本報訪問話：「邊有時間睇呀，撞乜橋呀？咁好笑，我嗰個係初戀情人喎，邊有撞三角戀箒？事前冇睇過，好想睇喎！」
撰文：馮仁昭
麥明詩、劉嘉玲、任達華、衛詩雅、導演葉念琛等噚晚喺灣仔出席新片《我的情敵女婿》首映禮，麥明詩激罕性感現身，可惜不慎露出胸墊！唐詩詠着吊帶背心現身，問佢會唔會請前男友洪永城睇？佢話會叫對方買飛。
另外，嘉玲同任達華等演員喺下午去維園行花市，任達華話失策忘記噚日係情人節，反而係老婆送花畀佢。嘉玲就話老公梁朝偉喺屋企，佢做完嘢返去會開香檳慶祝，自己就準備咗有心思嘅禮物，但唔講係乜。嘉玲又提議任達華送樓畀老婆補數，任達華話：「我有誠意決定咁做，2019送，等我拍戲儲錢先。」
MK活地阿倫撞橋
《我》片故事講到飾演花花公子嘅任達華，娶細自己二十幾年嘅衛詩雅做老婆，最後發現老婆繼母係佢嘅初戀情人，條橋撞正活地阿倫（Woody Allen）新片《奇幻摩天輪》（Wonder Wheel），故事講過氣女星琦溫斯莉（Kate Winslet），嫁畀喪妻嘅旋轉木馬操作員Jim Belushi，但琦溫斯莉婚後出軌，而繼女就同老公搞埋一齊。有「MK活地阿倫」之稱嘅葉念琛接受本報訪問話：「邊有時間睇呀，撞乜橋呀？咁好笑，我嗰個係初戀情人喎，邊有撞三角戀箒？事前冇睇過，好想睇喎！」
撰文：馮仁昭
回應 (0)
