返大馬過暖笠笠新年楊秀惠學做家鄉菜

【蘋果日報】最近香港天氣咁凍，楊秀惠選擇返家鄉馬來西亞過一個暖笠笠嘅新年。
此行秀惠除咗做乖乖女，陪媽咪選購好多紅色同粉紅色嘅新衫之外，仲跟媽咪學做家鄉賀年美食「五香肉卷」，等佢唔使失傳。秀惠話：「我之前喺網上直播跟媽咪學做五香肉卷，即不斷有親戚whatsapp叫我同媽媽做多啲，因為好有『家』嘅味道。屋企只有我媽媽跟婆婆學做呢道菜，今次返屋企，我都要學做，等呢個『家』嘅感覺一路延續落去。」
秀惠話馬來西亞嘅新年同香港一樣咁熱鬧，講起美食即滔滔不絕：「每年年初一早上，媽媽都會準備傳統嘅碳燒火鍋，配以自家做嘅五香肉卷，我仲未瞓醒就能夠聞到好香嘅食物味道，仲有一家團聚的歡笑聲。」
前日情人節，秀惠亦有拎住大束瑰玫花同氣球，唔少網民問係咪有喜事宣佈，佢最後自爆：「好吧，我承認這些都是我媽的情人節禮物，我只是借來拍照，呵呵，再次祝大家情人節快樂！」秀惠雖然未結婚，但新年咁開心，佢已經預備咗大利是送俾化妝品公司嘅員工，話要感謝大家過去一年咁努力，果然係個好老闆。