劉嘉玲認俾嘟姐鬧過

【蘋果日報】鄭裕玲（嘟嘟）日前邀請咗劉嘉玲（左）接受商台節目《口水花多過浪花》訪問，無綫即將夜晚重播《流氓大亨》，有指平日好準時嘅嘟嘟當年不滿嘉玲遲到，但事隔32年冤案，嘉玲解開謎團話遲到嗰個係周海媚。嘉玲直認當年雖然俾嘟姐鬧過，但就冇嬲佢。嘉玲又爆當年化妝間化妝，嘟姐返嚟，化妝師會叫佢哋後輩起身讓位，嘟姐即射歪：「嗰個係阿姐（汪明荃）呀。」