變性人GENKING執到變女神真身其實係咁...

【蘋果日報】現年32歲嘅日本變裝藝人GENKING早前喺Instagram宣佈變性消息，自爆已在去年5月接受變性手術，7月已更改戶籍由男性變為女性，以女兒身姿態發展。


出櫃多時嘅GENKING近年活躍於藝能界，曾參演武井咲夥拍瀧澤秀明嘅愛情劇《毫無保留的愛》。GENKING去年到泰國開刀變性，返日後隨即更改戶籍，由本來嘅元輝改名成為沙奈，已經係「真女人」嘅GENKING透露今後希望可以披嫁衣結婚，佢受訪表示：「好想可以兩年後結婚，三年後生小朋友，我媽媽36歲生我，自己都希望做個好母親。」GENKING近期頻頻更新Ig晒靚相，唔少網民都讚佢越來越靚女，仲充滿女神影子。不過近年執圖技術發達，當地雜誌公開GENKING最近受訪嘅照片，似乎同佢Ig上嘅靚樣有頗大出入。