新聞類別
娛樂
詳情#
【蘋果日報】曾在70、80年代創作多首膾炙人口主題曲的作曲人黎小田，一連兩場「小田金曲50年作品演唱會」前晚假紅館開鑼，柳影虹、葉振棠、黎瑞恩（小恩子）、胡渭康、陳曉東、湯寶如、薛家燕等逾二十位歌手拱照做嘉賓，演唱會開場前透過螢幕呼籲觀眾為早前大埔巴士車禍死者默哀一分鐘。
着紅色唐裝彈鋼琴出場的黎小田唱出一段《大地恩情》，之後歌手輪流獻唱，唱《換到千般恨》的柳影虹唱完後單膝下跪多謝黎小田：「我好恨嚟你演唱會，終於喺我62歲嘅今年恨到。」湯記演繹梅艷芳《似火探戈》後，問小田敲甚麼樂器？小田指自己「扑」木魚，湯記取笑：「唔明點解男人咁鍾意講呢啲扑呀，係敲呀。」之後更說：「希望今年你同家燕姐可以拉埋天窗。」小田口窒窒說：「乜嘢呀？」湯記笑說：「你同家燕姐嗰啲眉來眼去我睇到，我依家先爆你大鑊。」
離婚後曾苦追
壓軸出場的家燕姐着桃紅色露肩長裙，口咬玫瑰的小田半跪送花，兩人在台上打情罵俏，家燕姐讚小田後生時靚仔又有型，小田錫錫家燕姐面珠說：「其實你離婚之後我追過你一輪。」家燕姐想當年說：「我記得，你嗰陣見到我，話『早知嫁畀我啦』，我都唔知笑定嬲好，你話會照顧我。」小田抵死答：「後尾我諗諗吓，你湊住三件喎。」全場大笑。
群星在尾聲大合唱《問我》，完場時大家在升降台準備落台，站在台邊的小田有一隻腳踏空，險失平衡仆倒台上，幸工作人員立即暫停升降台，並衝上前扶着小田，有驚無險。
小恩子康復快
此外，月初患乙型流感留醫的小恩子，出院後為小田騷做嘉賓，她在後台受訪指已復原得七七八八：「留院成個星期，都係俾細仔傳染，佢好番晒有抗體就到我病咗。」昨日是小恩子的生日，願望是身體健康。而4月開騷的她指已減了10磅，目標再減10磅。
採訪：曹家誠
攝影：仇志德
回應 (0)
