許誠毅帶胡巴去柏林

【蘋果日報】許誠毅執導、梁朝偉、內地女星白百何等主演嘅《捉妖記2》，宣佈入圍第68屆柏林影展「特別展映」單元，噚日許誠毅帶同白百何，仲有主角胡巴亮相柏林首映禮，盛裝現身首映紅地毯後，白百何換咗便服入場睇戲，佢話：「我故意換掉裙子，穿上牛仔褲入場，這是第一次看到成片。」而許誠毅就話好享受聽到觀眾嘅笑聲，因為呢樣係對自己最大嘅肯定。