新聞類別
娛樂
詳情#
【蘋果日報】朱茵噚日現身尖沙嘴，擔任一個醫學美容記招嘉賓。朱茵話佢平日甚少時間留港，所以今年難得農曆新年有假期，一家人喺香港享受家庭樂，朱茵指除咗拜年外出，其餘時間都留喺屋企陪五歲大囡囡玩，一家人砌模型、跳舞唱歌，玩一啲平日好少玩嘅嘢。
講到囡囡，朱茵話囡囡開始明白過年係乜，又識得向親友講恭賀說話，問佢會唔會計劃為囡囡添一個弟妹？朱茵話：「呢啲靠天意，係緣份，隨緣。」佢話囡囡有問過點解冇弟妹，朱茵即問囡囡想要弟弟定妹妹：「佢鍾意妹妹，不過我覺得佢適合有哥哥多啲，因為佢體能好好，鍾意跑來跑去。」
出門即扮嬲
早前朱茵帶囡囡到美國旅行，陪咗囡囡差唔多兩個月，今早囡囡見佢搽指甲，知道佢要出去做嘢就扮嬲，朱茵即時氹囡囡，話晚餐就會返屋企一齊食飯，問到囡囡會唔會追魂call？佢話：「佢會，又識㩒facetime，咁就要畀佢睇吓媽媽工作情況。」囡囡依家讀K2，朱茵都話有留意小一講座，多加了解升學資料。
撰文：馮仁昭
講到囡囡，朱茵話囡囡開始明白過年係乜，又識得向親友講恭賀說話，問佢會唔會計劃為囡囡添一個弟妹？朱茵話：「呢啲靠天意，係緣份，隨緣。」佢話囡囡有問過點解冇弟妹，朱茵即問囡囡想要弟弟定妹妹：「佢鍾意妹妹，不過我覺得佢適合有哥哥多啲，因為佢體能好好，鍾意跑來跑去。」
出門即扮嬲
早前朱茵帶囡囡到美國旅行，陪咗囡囡差唔多兩個月，今早囡囡見佢搽指甲，知道佢要出去做嘢就扮嬲，朱茵即時氹囡囡，話晚餐就會返屋企一齊食飯，問到囡囡會唔會追魂call？佢話：「佢會，又識㩒facetime，咁就要畀佢睇吓媽媽工作情況。」囡囡依家讀K2，朱茵都話有留意小一講座，多加了解升學資料。
撰文：馮仁昭
回應 (0)
