Carrie Underwood晒自拍照用交叉遮傷痕

【蘋果日報】美國鄉謠女歌手Carrie Underwood去年11月喺屋企仆倒，令佢面部嚴重受傷，縫咗40、50針，手腕亦骨折。受傷後，Carrie形容覺得自己「看起來不太一樣」，佢亦甚少公開近照，就算日前公開一張同囝囝做運動嘅相，Carrie都未有正面示人。
大前日，Carrie罕有公開同丈夫Mike Fisher合照，以呼籲大家支持廢止奴隸制嘅「End It Movement」，佢仍以大交叉遮面，估計佢係嘴同下巴位置留有傷痕。其實上月曾有人公開與Carrie合照，遠睇Carrie容貌同以前分別唔大，只係對鏡頭有啲怕醜，佢於傷後對自己容貌仍未回復信心。