靠朋友經濟援助

【蘋果日報】洪朝豐多年前購入藍田公屋，不用擔心居住問題，不過，縱使他有獨生子洪葉供養，但癌症令他不能工作，生活過得不容易，幸得一班學生和朋友給他金錢上支持。洪朝豐說：「營養奶加埋湯水，每個月開支最少6,000元，電療每日96元，30次差不多3,000元，我每個月淨係食同埋電療已經9,000元，所以喺經濟上其實唔容易。有學生發起每個同學每個月貢畀老師100元，話十個人貢咪有1,000元，至少可以幫助我病後復原，醫療飲食方面有小小支持。啲朋友嚟探我，跟住畀封利是我，我完全冇諗過。好託賴，到依家我仍然都生活到。」
談到未來計劃，洪朝豐希望出自傳，他說：「係時候總結我前半生，寫一本小說，喺我生命真正發生過，我想將本書獻畀我媽媽，雖然佢離開咗五年，但我仍然好掛住佢。」
採訪：魯吉