又獲委任非執董 阮雲道退而不休

【明報專訊】67歲嘅退休法官阮雲道，2009年4月退休後，真係冇停過手，每年都有新任務。佢最近獲國際精密（0929）委任為獨立非執行董事，為期一年。翻查紀錄，09年以後，佢每年都獲上市公司委任新職務，果然係退而不休。

阮官09年11月，先獲中聯能源（0346）委任為高級顧問，集團當時話阮官加入，會為公司經營及管理事務帶來積極作用。到咗第二年，即係2010年6月，買賣鋼管、鋼片嘅美亞（1116），委任阮官做非執董，維期一年，每年薪酬15萬蚊。而踏入新一年，佢又獲國際精密委任為非執董，每年有10萬蚊薪酬。兩項非執董工作，加埋人工唔算多，每個月都係2萬零蚊，都唔夠佢家食緊份長糧多。但勝在工作夠彈性，每間公司一年開幾次會，唔算太操勞。