新聞類別
娛樂
詳情#
【蘋果日報】梁佩瑚前年閃嫁蒙古商人老公郭雲飛，升呢幸福人妻，兩人昨日孖咇到清水灣鄉村俱樂部，出席《蘋果日報》慈善基金舉行「慈善高爾夫球賽2018」。
郭雲飛同任達華第二次碰面，惺惺相惜，華哥讚梁佩瑚老公郭雲飛靚仔，梁佩瑚接受訪問時話：「你哋係咁讚佢好靚仔，佢今晚返屋企會係咁問我，佢會唔相信呢個事實。」華哥出名圈中愛妻號，佢今日席間私授梁佩瑚「御夫術」，梁佩瑚話：「華哥話男仔要讓女仔，我哋兩公婆成日一齊打波，即使我哋球技差唔多，但老公冇讓我，華哥今日有同我開咗個盤，要佢每次打波要讓我十桿，華哥咁浪漫set呢啲規矩，教育咗我老公要浪漫啲。」
梁佩瑚自爆剛過元宵節，老公返深圳見屋企人，以及同與前妻所生囝囝食飯，梁佩瑚要獨自開餐，但老公仲要梁佩瑚約實時間做「柴可夫」接送，梁佩瑚話：「我唔想鬧交，就影咗張元宵節《一人前》相，po咗社交網。朋友就問起，群眾壓力下，老公返港立即話要同我食湯丸補數。」梁佩瑚覺得呢招好work。
梁佩瑚結婚後，兩公婆越來越恩愛，佢話畀老公90分，仲有10分進步空間。兩人相處冧爆，平時冇拗撬，佢話老公想學廣東話：「有時我好嬲佢，衝口而出講廣東話，講得好快，佢聽唔明，佢有時講廣東話，我又唔明，所以語言不便，令我鬧佢機會少咗，我鬧完啖氣又消咗。」
郭雲飛同任達華第二次碰面，惺惺相惜，華哥讚梁佩瑚老公郭雲飛靚仔，梁佩瑚接受訪問時話：「你哋係咁讚佢好靚仔，佢今晚返屋企會係咁問我，佢會唔相信呢個事實。」華哥出名圈中愛妻號，佢今日席間私授梁佩瑚「御夫術」，梁佩瑚話：「華哥話男仔要讓女仔，我哋兩公婆成日一齊打波，即使我哋球技差唔多，但老公冇讓我，華哥今日有同我開咗個盤，要佢每次打波要讓我十桿，華哥咁浪漫set呢啲規矩，教育咗我老公要浪漫啲。」
梁佩瑚自爆剛過元宵節，老公返深圳見屋企人，以及同與前妻所生囝囝食飯，梁佩瑚要獨自開餐，但老公仲要梁佩瑚約實時間做「柴可夫」接送，梁佩瑚話：「我唔想鬧交，就影咗張元宵節《一人前》相，po咗社交網。朋友就問起，群眾壓力下，老公返港立即話要同我食湯丸補數。」梁佩瑚覺得呢招好work。
梁佩瑚結婚後，兩公婆越來越恩愛，佢話畀老公90分，仲有10分進步空間。兩人相處冧爆，平時冇拗撬，佢話老公想學廣東話：「有時我好嬲佢，衝口而出講廣東話，講得好快，佢聽唔明，佢有時講廣東話，我又唔明，所以語言不便，令我鬧佢機會少咗，我鬧完啖氣又消咗。」
回應 (0)
