冒險樂園打怪獸甘比同女兒鬥踩

【蘋果日報】【爆相爆片】華人置業前主席劉鑾雄（大劉）太太陳凱韻（甘比），今年1月為大劉再添一名女兒，現育有兩女一子，包括九歲大女秀樺和五歲兒子仲學。坐完月的甘比，前日被《蘋果》讀者Ashley，透過「爆相爆片」，指甘比帶同一對子女到銅鑼灣皇室堡的冒險樂園玩樂，但未見幾個月大的幼女。


齋睇細仔玩

繼去年3月被讀者目擊到皇室堡的冒險樂園玩推公仔機後，前日下午，甘比帶同子女再戰冒險樂園，讀者Ashley說：「保鑣好似人牆咁圍喺佢哋後面，甘比就好專心同對仔女喺度玩，嗰陣商場人流唔係太多，所以都冇乜人留意佢哋。」讀者Ashley透露，甘比囡囡當時玩踩怪獸機，囝囝就玩射怪獸的遊戲機：「阿女玩踩怪獸機嘅時候，甘比都有玩埋一份，仲玩得好開心，反而阿仔玩嘅時候，只係企埋一邊睇。」甘比雖貴為香港女首富，不過生活仍然貼地，除了堅持接送子女返放學外，又經常帶他們吃喝玩樂，多次被目擊和子女行街食雪糕及到樂園遊玩。


撰文：唐琛悠