君如拍戲更有動力

【蘋果日報】吳君如昨應邀做首屆「最港電影大獎」頒獎嘉賓，她說：「我好支持港產片，都拍咗港產片30年喇，有呢個獎去表揚港產片係一件好好嘅事，又有咁多觀眾投票。」問到今年會否發力拍一齣好片，明年競逐第二屆「最港電影大獎」？君如說：「拍戲唔係為攞獎，要有作品畀大家睇，但係呢個獎會令我哋拍戲更加有動力。」
有份投資其監製電影的君如，明白箇中辛酸：「除咗劉德華熱愛香港電影，吳君如都熱愛香港電影，不過要蝕，真係要蝕到入肉，希望可以搵好嘅project去做。」
對於劉德華指投資拍戲會對公司構成財政壓力，但他會在演員崗位賺回來，君如打趣說：「我人工冇男演員咁高，所以要睇住自己啲資金，睇吓有幾多成本去拍啦。我做過幕後，感受更加深，知道入面做緊乜嘢，真係咬緊牙關去做，係一件好艱巨嘅事。」