新聞類別
娛樂
詳情#
【蘋果日報】郭富城去年結婚生女，榮升爸爸後，性格轉變不少，越來越有住家男人味道。昨日在西九龍文化區出席聯合國兒童基金會舉行的「小畫家大夢想繪畫比賽」時，特地走到家庭組看小朋友畫畫。
從小培養愛心
見到小孩笑得燦爛的城城，還跟小朋友聊天，現場看着小朋友畫畫時，他表示幻想過小朋友將來成為畫家：「我記起小學時我畫咗幅老虎畫，仲有貼堂，好有優越感。」活動上他呼籲大家幫助內地山區孕婦，因當地醫療衞生欠佳，地方貧困。城城又希望等囡囡再大一些時，帶她出席慈善活動，讓囡囡從小培養愛心。
提到親子活動，問到會否與囡囡一起唱歌跳舞？城城笑說：「有我嘅genus，遲啲相信佢自然識做。」早前他透露目標帶囡囡去公園，但暫時未做到，城城又主動提及早前被傳媒偷影囡囡，為此感到不悅，他說：「依家做咗爸爸，嚴正希望傳媒自律，唔想BB或者佢將來嘅樣公開，大家喺娛樂圈唇齒相依，有嘢要報道但都想保護吓小孩，會影響小孩成長，希望大家自律同高抬貴手。」
希望保護家人
對於囡囡成長，城城希望她將來能夠在不受騷擾環境下成長，所以對傳媒偷拍家人感到不滿，他說：「仲要影我屋企，嚴格嚟講我心中好憤怒，希望自己家庭得到保護，影我冇所謂，但唔好偷影騷擾我家人。呢一刻我會有陰影，喺公園玩會擔心被影，大家放過我哋，畀佢健康成長。」另外，有傳黎明將做父親，城城表示有睇報道，但不知是否屬實，若真有此事會恭喜對方。
採訪：王連連
攝影：仇志德
從小培養愛心
見到小孩笑得燦爛的城城，還跟小朋友聊天，現場看着小朋友畫畫時，他表示幻想過小朋友將來成為畫家：「我記起小學時我畫咗幅老虎畫，仲有貼堂，好有優越感。」活動上他呼籲大家幫助內地山區孕婦，因當地醫療衞生欠佳，地方貧困。城城又希望等囡囡再大一些時，帶她出席慈善活動，讓囡囡從小培養愛心。
提到親子活動，問到會否與囡囡一起唱歌跳舞？城城笑說：「有我嘅genus，遲啲相信佢自然識做。」早前他透露目標帶囡囡去公園，但暫時未做到，城城又主動提及早前被傳媒偷影囡囡，為此感到不悅，他說：「依家做咗爸爸，嚴正希望傳媒自律，唔想BB或者佢將來嘅樣公開，大家喺娛樂圈唇齒相依，有嘢要報道但都想保護吓小孩，會影響小孩成長，希望大家自律同高抬貴手。」
希望保護家人
對於囡囡成長，城城希望她將來能夠在不受騷擾環境下成長，所以對傳媒偷拍家人感到不滿，他說：「仲要影我屋企，嚴格嚟講我心中好憤怒，希望自己家庭得到保護，影我冇所謂，但唔好偷影騷擾我家人。呢一刻我會有陰影，喺公園玩會擔心被影，大家放過我哋，畀佢健康成長。」另外，有傳黎明將做父親，城城表示有睇報道，但不知是否屬實，若真有此事會恭喜對方。
採訪：王連連
攝影：仇志德
回應 (0)
