新聞類別
娛樂
詳情#
【蘋果日報】【爆相爆片】
陳慧琳（Kelly）最近忙於籌備新碟，照顧兩子的責任就落在爸爸劉建浩（Alex）身上。上周日Alex帶同8歲大仔劉昇（蝦餃仔）和將近6歲的細仔劉琛（小龍包）到數碼港商場行街，被讀者李小姐透過「爆相爆片」分享。
買可樂氹仔
李小姐大讚Alex鐵漢柔情：「見佢哋搭扶手電梯，兩個小朋友好大聲講英文，但就唔見陳慧琳出現，Alex一個人湊兩個小朋友都幾矚目，聽到小龍包不停嗲要搵媽咪，蝦餃仔都嗲爸爸，用英文講『你乜嘢都話唔畀我』爸爸就話『好啦，不如我去下面戲院買可樂畀你，同埋我哋都返去啦，好冇呀？』」
Alex三父子落了扶手電梯後，蝦餃仔乖乖跟在爸爸身後行，小龍包就跳跳紮，快步行去按升降機準備去戲院，李小姐大讚Alex：「佢好有耐性湊小朋友。」本報聯絡Kelly了解，她讚老公是暖男：「嗰日要開工，所以由爸爸帶兩個仔去玩。」問到是否平日也會讓囝囝飲汽水？Kelly說：「Weekend先有得飲，小朋友飲太多汽水唔係咁好。」提到小龍包不停嗲搵媽咪，Kelly開心謂：「好sweet呀！」
拍新歌MV
其實當日Kelly也身在數碼港拍攝新歌MV，估計三父子為方便會合媽咪而現身數碼港商場。當日近黃昏，Kelly穿上單薄白色恤衫襯西褲、手持公事包、戴粗框眼鏡，一身女強人造型連同20多名攝製隊人員，在一幢商業大廈的扶手電梯位置取景。Kelly擺出側望大玻璃窗沉思的神情，並應導演要求多次上落扶手電梯，一有空檔便拿出劇本細看，相當用心。
採訪：皓騫
攝影：朱志聰、黃曉程
陳慧琳（Kelly）最近忙於籌備新碟，照顧兩子的責任就落在爸爸劉建浩（Alex）身上。上周日Alex帶同8歲大仔劉昇（蝦餃仔）和將近6歲的細仔劉琛（小龍包）到數碼港商場行街，被讀者李小姐透過「爆相爆片」分享。
買可樂氹仔
李小姐大讚Alex鐵漢柔情：「見佢哋搭扶手電梯，兩個小朋友好大聲講英文，但就唔見陳慧琳出現，Alex一個人湊兩個小朋友都幾矚目，聽到小龍包不停嗲要搵媽咪，蝦餃仔都嗲爸爸，用英文講『你乜嘢都話唔畀我』爸爸就話『好啦，不如我去下面戲院買可樂畀你，同埋我哋都返去啦，好冇呀？』」
Alex三父子落了扶手電梯後，蝦餃仔乖乖跟在爸爸身後行，小龍包就跳跳紮，快步行去按升降機準備去戲院，李小姐大讚Alex：「佢好有耐性湊小朋友。」本報聯絡Kelly了解，她讚老公是暖男：「嗰日要開工，所以由爸爸帶兩個仔去玩。」問到是否平日也會讓囝囝飲汽水？Kelly說：「Weekend先有得飲，小朋友飲太多汽水唔係咁好。」提到小龍包不停嗲搵媽咪，Kelly開心謂：「好sweet呀！」
拍新歌MV
其實當日Kelly也身在數碼港拍攝新歌MV，估計三父子為方便會合媽咪而現身數碼港商場。當日近黃昏，Kelly穿上單薄白色恤衫襯西褲、手持公事包、戴粗框眼鏡，一身女強人造型連同20多名攝製隊人員，在一幢商業大廈的扶手電梯位置取景。Kelly擺出側望大玻璃窗沉思的神情，並應導演要求多次上落扶手電梯，一有空檔便拿出劇本細看，相當用心。
採訪：皓騫
攝影：朱志聰、黃曉程
回應 (0)
