產檢首見囝囝嘟嘴丁文琪喊住同林宥嘉講

【蘋果日報】懷孕5個月嘅丁文琪前日去做產檢時，見到囝囝嘅超聲波圖像時，佢又感動到流淚喇！林宥嘉自1月公佈太太丁文琪有身孕嘅消息後，丁文琪不時都會喺fb分享孕事，本月初佢就分享咗同老公感受到胎動嘅感覺，前日佢去產檢時，從超聲波嘅影像見到囝囝嘟嘴，當時丁文琪就拎轉頭同老公講「好像你欸！」的同時，眼淚就從臉頰滑下來。


丁文琪喺fb分享話囝囝嘟嘴好似老公後，林宥嘉亦好醒目咁自製對照圖回應愛妻，圈起鼻子與嘴巴嘅部份，強調兒子這部分像自己。有網民見到都好驚訝咁留言：「神複製」、「是一種複製貼上的概念」、「基因好強大」，認為「那應該是花美男無誤」。