新聞類別
娛樂
詳情#
【蘋果日報】【我們的演唱會】【《蘋果》專訪】渴望生死戀的黎瑞恩（小恩子），偏偏遭遇了婚姻失敗，時間治療了撕心裂肺的傷口，現年45歲的小恩子仍想再愛一次，但單親媽媽的心中子女大過天，首要條件是對方要被子女接受。
撰文：余燕儀
黎瑞恩90年代憑《一人有一個夢想》走紅，02年舉行處女紅館騷後嫁入豪門，跟金利來太子爺曾智明生了一子一女，可惜四年前婚姻破裂，一對子女跟着她生活，女人當自強的小恩子，傷心過後重新振作，一手成立感恩製作公司，下月5及6日再踏紅館舉行「感恩有你」演唱會，首場撞正傷感的清明節，但小恩子卻想將色彩帶給大家。
越大味道越好
回首過去十六年，小恩子坦言：「結婚、離婚，人生低谷乜都過晒，所以心態非常之平淡，少少唔開心梗有，但諗嘢唔會好灰，日日苦口苦面，人哋見到你會好䊹㗎，我都唔想見到唔開心嘅人，想見笑面迎人嘅人。」小恩子新歌《剩下光年》，其中有句歌詞：「就欠一點點的生死戀」，剩下時光她想再談一場戀愛：「根本我個人就好鍾意戀愛，次次拍拖都好轟烈，梗係希望有一個好錫自己、將來直到永遠，但好多嘢係天安排，唔到你話想要就有。」
是否未預備接受新戀情？小恩子笑說：「我已經預備咗好耐，你明啦，有兩個小朋友，都要佢哋接受嗰個人先得：『唔好啦媽咪，可能你有個男朋友，你會唔理我哋。』佢哋會咁諗㗎，分薄咗個愛。」子女大過天的小恩子，願意犧牲，不擔心年紀越大越難找到新戀情：「年紀大先有味道，所以我唔驚，成日覺得鍾意我嘅人，唔係鍾意我個樣，都係鍾意我嘅性格，我本身係麻甩佬，如果搵個唔係咁大男人嘅人，可能食唔住我。」
同前夫最轟烈
小恩子覺得過去最轟烈的戀愛，就是跟前夫曾智明：「都係回憶，依家好似朋友咁，大多數都係講小朋友。」離婚後小恩子找到自己方向，她說：「依家要做啲有意義嘅嘢，我成日覺得夠食夠用，生活我好感恩，已經好好，同埋我嘅前夫對我哋好好，冇乜經濟上問題，可以幫吓其他人。」有否教子女儲錢？她說：「有㗎，一星期畀三百元零用錢細路，我話你唔使晒啲錢，媽咪會獎多五十蚊畀你，佢就好開心。唔好諗住媽咪會有樓畀你，我係唔會畀佢，乜嘢都要佢靠自己。」
人生走到今天，小恩子覺得沒遺憾了：「好完美好感恩，每個歷程都係一個啟示。」
攝影：沈健程
化妝：Meegan Seak
髮型：Steve Shek of HAiR
場地提供：Hotel ICON唯港薈
撰文：余燕儀
黎瑞恩90年代憑《一人有一個夢想》走紅，02年舉行處女紅館騷後嫁入豪門，跟金利來太子爺曾智明生了一子一女，可惜四年前婚姻破裂，一對子女跟着她生活，女人當自強的小恩子，傷心過後重新振作，一手成立感恩製作公司，下月5及6日再踏紅館舉行「感恩有你」演唱會，首場撞正傷感的清明節，但小恩子卻想將色彩帶給大家。
越大味道越好
回首過去十六年，小恩子坦言：「結婚、離婚，人生低谷乜都過晒，所以心態非常之平淡，少少唔開心梗有，但諗嘢唔會好灰，日日苦口苦面，人哋見到你會好䊹㗎，我都唔想見到唔開心嘅人，想見笑面迎人嘅人。」小恩子新歌《剩下光年》，其中有句歌詞：「就欠一點點的生死戀」，剩下時光她想再談一場戀愛：「根本我個人就好鍾意戀愛，次次拍拖都好轟烈，梗係希望有一個好錫自己、將來直到永遠，但好多嘢係天安排，唔到你話想要就有。」
是否未預備接受新戀情？小恩子笑說：「我已經預備咗好耐，你明啦，有兩個小朋友，都要佢哋接受嗰個人先得：『唔好啦媽咪，可能你有個男朋友，你會唔理我哋。』佢哋會咁諗㗎，分薄咗個愛。」子女大過天的小恩子，願意犧牲，不擔心年紀越大越難找到新戀情：「年紀大先有味道，所以我唔驚，成日覺得鍾意我嘅人，唔係鍾意我個樣，都係鍾意我嘅性格，我本身係麻甩佬，如果搵個唔係咁大男人嘅人，可能食唔住我。」
同前夫最轟烈
小恩子覺得過去最轟烈的戀愛，就是跟前夫曾智明：「都係回憶，依家好似朋友咁，大多數都係講小朋友。」離婚後小恩子找到自己方向，她說：「依家要做啲有意義嘅嘢，我成日覺得夠食夠用，生活我好感恩，已經好好，同埋我嘅前夫對我哋好好，冇乜經濟上問題，可以幫吓其他人。」有否教子女儲錢？她說：「有㗎，一星期畀三百元零用錢細路，我話你唔使晒啲錢，媽咪會獎多五十蚊畀你，佢就好開心。唔好諗住媽咪會有樓畀你，我係唔會畀佢，乜嘢都要佢靠自己。」
人生走到今天，小恩子覺得沒遺憾了：「好完美好感恩，每個歷程都係一個啟示。」
攝影：沈健程
化妝：Meegan Seak
髮型：Steve Shek of HAiR
場地提供：Hotel ICON唯港薈
回應 (0)
