十六年後再開騷

【蘋果日報】「小恩子，你想唔想開紅館演唱會？」去年出Hi-Fi碟反應好，唱片公司提議黎瑞恩開騷，結果順利攞到檔期，造就小恩子十六年後再踏紅館，於下月5及6日舉行「感恩有你」演唱會，她說：「十六年前告別，好似差啲嘢咁做得唔好，係咪好神奇呢，你唔會預料到，十六年後個天安排再畀一次機會，我會更加做得好啲，彌補上次不足。」


十六年沒開騷，小恩子雖然有壓力，但笑說：「我唔理㗎，當成班朋友入嚟開party，我次次都係咁，綵排就好好，正式就有少少緊張。」今次個唱主題，小恩子想帶出色彩繽紛的世界：「我希望香港人可以開心啲，唔一定係政治，可能買樓好貴諸如此類。」香港人真係買唔到樓，小恩子都好無奈：「我覺得儲吓錢囉，未雨綢繆係必需。」