新聞類別
娛樂
詳情#
【蘋果日報】張繼聰曾經被指係「廢柴老公」，但近年事業起飛，去年老婆謝安琪(Kay)仲幫張家生多個小朋友，現在有一仔一女，真係幸福到暈，難怪佢經常放閃，喺ig貼上一家四口溫馨照。
前日喺細女張靖（Karina/Kaka）嘅1歲生日，張繼聰就帶埋老婆、一對仔女、父母，仲有工人姐姐一齊去廸士尼玩。小公主Kaka似乎仲未識行路，全程都係由媽咪Kay抱住，而阿仔張瞻真係高大咗好多，同爸爸成個餅印咁樣。張繼聰留言﹕「今日真係非常快樂！Happy birthday to my Little gal.」唔少網紛紛留言送上祝福外，更有網民將焦點落咗喺阿聰爆衫嘅胸肌同埋強勁嘅臂彎，fit爆身材又係令人羨慕。
除咗寶貝仔女，阿聰仲好識冧老婆Kay，貼咗一張一年前兩人影嘅合照，Kay含羞答答咁嘅樣，阿聰就Man爆攬到實，並留言﹕「依張相係一年前嘅今日影嘅，我地懷住又感恩又緊張嘅心情迎接妹妹嘅來臨，感謝太太偉大嘅付出，I love u honey。」
另外，仲有一個幸福家庭，就係安志杰同埋Jessica C.喇，佢哋嘅囡囡Tessa前日亦剛滿兩歲，而佢哋嘅第二胎亦快將出世，真係恭喜晒！
前日喺細女張靖（Karina/Kaka）嘅1歲生日，張繼聰就帶埋老婆、一對仔女、父母，仲有工人姐姐一齊去廸士尼玩。小公主Kaka似乎仲未識行路，全程都係由媽咪Kay抱住，而阿仔張瞻真係高大咗好多，同爸爸成個餅印咁樣。張繼聰留言﹕「今日真係非常快樂！Happy birthday to my Little gal.」唔少網紛紛留言送上祝福外，更有網民將焦點落咗喺阿聰爆衫嘅胸肌同埋強勁嘅臂彎，fit爆身材又係令人羨慕。
除咗寶貝仔女，阿聰仲好識冧老婆Kay，貼咗一張一年前兩人影嘅合照，Kay含羞答答咁嘅樣，阿聰就Man爆攬到實，並留言﹕「依張相係一年前嘅今日影嘅，我地懷住又感恩又緊張嘅心情迎接妹妹嘅來臨，感謝太太偉大嘅付出，I love u honey。」
另外，仲有一個幸福家庭，就係安志杰同埋Jessica C.喇，佢哋嘅囡囡Tessa前日亦剛滿兩歲，而佢哋嘅第二胎亦快將出世，真係恭喜晒！
回應 (0)
