【愛拼才會贏】蘇志威唔再做水魚熱血馬主小慧︰係我同大女堅持

【蘋果日報】藝人養馬，唔奇，隨口噏都大把，好似洪金寶、志偉哥、丹爺、阿王……唔再數喇，但係愛馬冧馬冧到咁激情嘅，睇怕係得蘇老闆同劉小慧咋！

早前蘇老闆同小慧隻「駿王」終於出頭，贏出生涯首捷，小慧七情上面激動到暈嘅神情相信大家仲記得。今次搵嚟阿細同小慧一同受訪，佢兩個先講返，原來贏出呢場馬係好難能可貴。


「駿王有啲好難check到嘅嘢，嚟到香港冇耐就開始復發。」就咁聽，似乎蘇老闆做咗水魚了，但重點唔係呢度，重點係蘇老闆同小慧依然鍥而不捨，花成年耐性養返好匹馬！當好多馬主見隻馬唔掂時會迅速換馬，對比蘇老闆同小慧嘅堅持，反而顯得特別有愛！


拍攝途中，明眼人一睇都睇得出「駿王」真係特別鍾意小慧，當導演哥哥同小慧講返嘅時候，小慧小小得戚咁認吓威︰「係呀！佢真係聽我話架！」

有呢兩個永遠愛着你嘅馬主，駿王你又點會lonely呢？導演哥哥要小編寫埋後面呢句畀小慧知，佢話「你點對人人點對你，睇到「駿王」錫小慧，就知小慧平時都好錫駿王啦！」

而小編只能自問，怎麼天生不是馬仔呢？

採訪︰心悅、梓軒

攝影︰峰、Neo

剪接︰Dominic

稿、編、導︰Roy