亞洲最美妝前妝後周子瑜素顏拍片變「無眉娘」

【蘋果日報】韓國「新國民女團」TWICE嘅台灣成員周子瑜，早前獲選為全球百大美人嘅第三名，更贏得「亞洲最美」頭銜。不過呢位「亞洲最美」，早前素顏上陣，為Twitter拍攝祝賀影片時，就因為眉毛稀疏黯淡而遭變「無眉娘」。
日前TWICE官方Twitter公開子瑜新片，片中子瑜興奮派心，表示：「請大家多多愛護TWICE。」不過片中子瑜就素顏上陣，除咗雙眼顯得無神外，更因眉毛稀疏而被指係「無眉娘」。粉絲就留言指子瑜望落好攰，更有人留言質疑佢所屬嘅JYP事務所係故意公開子瑜素顏嘅影片，「整蠱」子瑜。
另外，早前TWICE去咗泰國拍廣告，子瑜於Instagram公開化上淡妝嘅靚靚新相，明顯比素顏時精神得多。