張敬軒差五分鐘遇劫案

【蘋果日報】張敬軒昨日在ICC麗嘉酒店舉行「HINSIDEOUT張敬軒演唱會」記者會，個唱於6月15至17日假紅館舉行。昨日中環發生珠寶劫案，軒仔於劫案發生後五分鐘，經過案發現場，軒仔說：「見到店舖玻璃都碎咗，警察啱啱到場拉起封鎖線，自己聽到都好心寒，平時都會企喺舖頭門口等車，有時都望吓啲鑽飾，自己都震驚，喺香港做咗十幾年嘢，好少發生呢啲事，希望警方盡快破案。」


談到懷疑涉案人士是非中國籍，軒仔笑言：「自己去到東南亞國家旅行，通常都俾人叫我行返國民通道，因為自己個樣似非中國籍人士。」軒仔在網上討論區見到fans表示不想經常聽hit歌，軒仔表示會採納意見。


採訪：張俊銘

攝影：葉君海