睇住林峯有新歡千語：我冇人追

【蘋果日報】吳千語、余香凝及李佳芯等昨日在銅鑼灣出席時裝品牌活動。林峯和吳千語的五年情玩完，有傳兩人各有新歡，千語搭上富三代地產商施子清的長孫施伯雄（Brian），林峯就疑跟內地車模張馨月去海洋公園。上周一林峯暴瘦宣佈分手，千語在宣佈分手後，昨晚首度公開露面，甩拖後的她精神飽滿，問到心情是否平復了？她說：「其實都一段時間啦，OK嘅，多謝大家關心。」


千語承認跟林峯有共識，由男方去交代分手，追問是否有第三者？她說：「係兩個人之間嘅事，其他都講晒，人要向前望，希望專注工作，依家唔想諗感情住。」至於是否認識張馨月？她坦言：「唔識，不過有睇報道，人哋嘅嘢我唔答啦。」


千語同時否認跟富三代拍拖：「影到我哋食餐飯又咁講，其實係男性朋友，依家會避忌啲，男仔唔會坐我隔籬，費事畀人話。我依家單身，覺得幾好，依家想一個人先，冇人追。」問到分手原因是否聚少離多？她避答：「都過去咗啦。」亦否認林峯屋企人不喜歡她：「唔關事，係我哋兩個人之間嘅事。」跟林峯是否再見亦是朋友？千語想了一兩秒才答：「係。」


李佳芯拍劇推Job

同場的李佳芯着通花喱士短裙現身，但裏面打了底好密實，她說：「呢排要拍劇，少咗出嚟同大家見面，如果以入劇組嚟計，仲能夠有外面工作嘅量，其實算唔錯。」她坦言為拍劇推了不少外快：「損失幾多唔敢問經理人，知道咗又會唔開心！」


採訪：卓寶花

攝影：陳慧安