鄧聲興過檔尚乘 跟誠哥搵食

【明報專訊】小琴昨日出席長實旗下尚乘資產今年業務發展嘅發布會，喺席中赫然發現一個熟悉的面孔——著名股評人、前泓福資產管理執行董事兼泓福證券研究部主管鄧聲興（Kenny）。

小琴嘅行家都以為泓福同尚乘有合作計劃，佢代表出席而已。點知尚乘財富策劃董事兼行政總裁曾慶麟（Alan）在傳媒面前隆重介紹Kenny將加盟尚乘。佢會出任尚乘資產證券部總經理一職。雖然未正式返工，話想見吓傳媒，先講吓加盟後發展大計。

知名度高負責建立證券業務

Kenny話加入尚乘跟隨誠哥搵食，係因為尚乘現時無證券業務，要由零開始，特別富挑戰性。但講到會否投資過千萬元在新業務，他話正式返工才會公布。不過，佢當然不會令傳媒失望而回，都有交代尚乘證券部有咩發展，好像要有研究部，特別想為客戶發掘二三線潛力股，同埋初期會以網上交易為主。

現時尚乘有300幾位財務策略師及6位數字客戶，對發展證券業務難度不高。

小琴問吓Kenny嘅新老闆曾慶麟點解要請佢，Alan話Kenny又夠知名度，係咪高薪挖角，他們都笑而不談！

報料電郵﹕piano@mingpao.com