劉偉強生日難忘收快艇

【蘋果日報】劉偉強昨晚在匡湖居舉行58歲生日派對，出席賓客星光熠熠，包括舒淇、鄭伊健、宣萱、方中信夫婦等人，場外還搞鬼貼上「帶埋班怪獸開Party」的牌。
講到生日願望，劉偉強指最緊要身體健康，又透露：「今年電影有《武林怪獸》，原定暑假上映，但因為後期未完成，故會延期推出。」問到今年收到甚麼生日禮物，他指不少好友都送酒，但老婆好反對，因為不想他飲太多酒，他又說：「十幾年前收過好特別禮物，係一隻快艇，嗰時冇船牌，都的起心肝去考牌。」至於老婆的生日禮物，他笑謂：「唔使啦！老婆嘅嘢我買晒比佢，亦都叫佢唔使送！」文詠珊（Janice Man）昨晚都是座上客，表示送酒給劉偉強做禮物，又表示自己快要返內地拍劇，預計逗留幾個月，問她可有八卦快當人父的黎明生女還是仔？她說沒有八卦。
採訪：張俊銘
攝影：林賓尼