日本名模森泉懷胎5個月經手人原來係出家人

【蘋果日報】35歲日本混血模特兒森泉日前宣佈奉子成婚，為40多歲圈外人懷胎5個月，預產期係今年夏天，事務所指森泉丈夫係個「自僱人士」，兩人已喺3月中註冊，展開新生活。
據日本媒體爆料指，森泉老公原來係個富貴僧侶，而且仲係當地寺廟嘅一名型男和尚，正如山下智久在人氣劇《朝5晚9》內嘅角色一樣，都係日本一貫可以成家立室嘅「出家人」。
森泉出身顯赫，係著名設計師森英惠孫女，25歲胞妹森星都係日本名模。森泉近年新聞多多，去年被爆屋企養咗20不同種類、合共30隻寵物，包括狗、豬、鸚鵡、樹懶、鳥類同爬蟲類動物，簡直同動物園一樣，惡臭引起附近鄰居相當不滿。