林嘉欣：餓到差啲嘔水

【蘋果日報】《饑饉三十》昨日在香港仔運動場舉行，饑饉大使林嘉欣與吳業坤、王灝兒、關楚耀及胡鴻鈞等饑饉之星到場支持，為宣明會擔任25年義工的張艾嘉帶領眾人宣誓對抗飢餓。張艾嘉分享多年來到非洲探訪的見聞：「啲小朋友受饑饉同戰爭影響，佢哋生活好辛苦，正如我嘅電影經常提到愛，係好老套，但大家可以更珍惜。」
林嘉欣表示早前到烏干達探訪，體驗人生首次饑饉三十，這次相對較輕鬆：「喺烏干達餓到差啲嘔水，嚟之前我都食定個大早餐打底。」坤哥表示出席完開幕禮，會餓住開工拍劇：「我會呼籲埋同劇嘅鄭則士哥哥一齊饑饉。」關楚耀透露為大會擔任攝影師：「今次係義務，希望將來可以開個人影展。」
採訪：盧妹
攝影：林賓尼