趙薇請童星坐私人飛機香港出發赴法國酒莊

【蘋果日報】趙薇同老公黃有龍去年高槓桿入股萬家文化（已更名為祥源文化），遭中國證監會罰款，同禁入A股市場5年。各界好友紛紛與其割席，包括前中國首富馬雲表示：「我和趙薇不熟，加起來見面也沒超過十次。」
人情冷暖，呢個世界就係咁現實。之後趙薇一直保持低調，大部份時間都喺香港。今年趙薇以63億人民幣身家，首次打入咗《胡潤全球白手起家女富豪榜》，全球排第100位。咁樣排一排，可能又多番啲人同佢「熟」喇。
近日，趙薇喺ig貼出老公黃有龍同女兒小四月嘅背影相，一家三口去咗外國度假。據大陸傳媒報道指，趙薇夫婦其實係喺佢哋位於法國嘅酒莊舉行晚宴，並邀請了許多賓客出席，包括大陸童星周漾玥、王紫驕，兩人都係鋼琴大師劉詩昆徒弟，劉老師當然有同行。
有網民發現，佢哋仲係坐趙薇架私人飛機，由香港出發，去杜拜再轉飛法國。咁大個酒莊都買得起，又坐擁63億身家（係人仔喎！）一架私人飛機，算得係咩？