城城為開騷　戒3年麻辣鍋

【蘋果日報】郭富城、宣萱、鄺美雲及江美儀等，昨日在荃灣出席「單手掌上壓挑戰閉幕禮」，見證300名紀律部隊成員締造單手掌上壓一分鐘的健力士世界紀錄。《寒戰》中飾演警隊一哥的城城，跟真正警務處行動處處長鄧炳強同台，城城台上說：「我戴呢副眼鏡係模仿鄧處長，見到鄧處長心都寒一寒、震一震。」鄧處長則笑說：「我好緊張，喺電影入面見到佢好有威嚴。」在旁城城回應：「我都係飾演緊你，如果我唔做演員，已經當咗差。」鄧處長則笑謂：「我唔當差都可能做咗演員。」
城城又透露將舉行百場巡迴演唱會，要食營養餐兼要戒油鹽糖，連最愛的麻辣火鍋都要戒足三年：「挑戰極限，破自己紀錄係要付出。」提到要離開妻女一段時間，他說：「到時佢已經三歲，應該識唱我嘅歌，我要做個好榜樣，努力認真工作。」
採訪：羅慧敏
攝影：沈健程